حلاوة روح .... بقلم الشاعرة / زينب سليم أحمد 💚💚
===================
الدنيا بتطوي .... في ايامنا
والارض ... بتخسف أحلامنا
وشباب بعدما .... كان قدامنا
بقى شيبه غزت الروح والراس
العمر ايام وسنين بتفوت
بنقضيها بين رضا وسكوت
فاكرين هنعيش اتارينا بنموت
وفراقنا ليها قانون وأساس
نطوي المسافات ونبدي حاجات
بتزاحم بسمة في وسط آهات
نطرح منها ........ كل الآنات
يطلع ناتج مكتوب برصاص
نتمرد ساعة .... على المقسوم
ونفز نقوم .... وبصوت مكتوم
نلقى التفسير مبقاش مفهوم
نعمل أننا ..... فاهمين وخلاص
وبيسكن فينا ..... حنين مغلوب
ويادوب م الذكرى نتوه وندوب
نرضى بقدرنا ..... وبالمكتوب
واحلام بتموت .... لما بتنداس
والممنوع فجأة صبح مسموح
ضايع معناه م البكا والنوح
ونداوي جروح بحلاوة روح
وندونها .... فــ مليون كراس
====================
بقلم / زينب سليم أحمد ✍️
