أخبار الباشا _ بقلم الشاعرة/ زينب سليم أحمد 💚❤️💚
===================
واهو رص كلام وحوار فاضي
دا عاملي ناقد .... ودا قاضي
وكلام ونزاع عملولنا صداع
وكتير أوضاع ... ونقول عادي
ومزاد عاملينه ....... وآلا آونة
ع المتصابي .... وع المجنونة
بين كاس وازازة خدوا أجازة
قضوها ... في غردقة والجونة
ومراته فــ ثانية اوام عرفت
قيمت الدنيا ..... عليه وقلبت
فردتله ملاية عاريته فــ مرايا
فضحت أسراره كدا وكشفت
واتعرض الموضوع ع الساحة
بطريقة غريبة ...... وقباحة
دخلوا اغراب ولاعملوا حساب
ولا عشرة .... فردولها مساحة
وأخبار الباشا .. بقيت مانشيت
على كل لسان ..والفيس والنت
وبكل وضوح ... الواد مفضوح
مطرح مايروح هو والست ..!!!
يا صاحبي كفاية ومايصحش
في الأعراض ليه عمال تنهش
دا جواز وطلاق وتقول أخلاق
سيبه للخلاق ... ليه بتفتش؟؟
====================
بقلم/ زينب سليم أحمد ✍️