قرار بقلم الشاعرة / زينب سليم أحمد
========≠===========
بعدي عنك .............. كان قرار
وضلام ايامي ...... طلعلوا نهار
عمري ماشوفت الراحة معاك
والقرب كان .... موت وانتحار
كل أنا ما بني .. ألقاك بتهد ..!!
وبنيت بينا .......... مليون سد
مات الحب ......... اللي بيحينا
ولا بقى ينفع ........ قول أو رد
مات الود .......... شوية شوية
لما لقيتك .............. جاي عليا
كنت اتمنى .......... انك تفهمني
ياما حايلتك .......... تهدى شوية
بس غرورك ...... جاب م الآخر
اصله غرور .. م النوع الفاخر ..!!!
عيشت في وهم ... اني هاتحمل
مهما تكون ......... خاين أو غادر
بس انا قلبي ...... خلاص اهو قرر
فك قيوده ........ كمان و اتحرر
رافض يسمع منك ............. كلمة
مهما هاتبكي ............ ولا تبرر
======================
بقلم/ زينب سليم أحمد ✍️
