قلبي وروحي ❤️💚 بقلم الشاعرة/ زينب سليم أحمد
أنا روحي عروسة وقلبي عريس
بشموع الفرحة ، قادوا الفوانيس
اتحدوا ......... وحالفين يتهنوا
ولا لحظة تفوت ..... ولا يستنوا
والحزن يفارقوه ،،،،،،،،،، ويغنوا
ويصوموا عنه ،،، إثنين وخميس
✍️ Zenab Seleem
سيدنا الجنيه 💥 بقلم الشاعرة زينب سليم أحمد
💥 سيدنا الجنيه 💥 ◇■◇■◇■◇■◇■◇ عوموا ... سيدنا الجنيه الغرق ......... باين عليه شكله داخل .. ع الغريق والبريق .... زغلل عينيه انفخوا فــ صورة جنابه إعرفوا ايه اللي صابه مين ياناس صفر حسابه وهو كان ... معالي البيه ماله اتخشب زي اللوح كان بيشهل كان لحلوح ليه سخسخ وعمل نحنوح والدنيا قال .. جايه عليه دخلوه ياللا .... الإنعاش آلا هيبته .... تروح بلاش اصله عام ..... ضد التيار من ساعتها ..راح مجاش نزلوه ..... جوا الدوامة بأوامر من ستنا ماما🇺🇲 غرقونا ...... ..... وغرقوه واستخسروا فينا العوامة
