بكل وقار 🥀🥀 بقلم الشاعرة / زينب سليم
===============
الحرف ... يجر الحرف
والكلمة بتبقى كلام ..!!
يحضن نغمتنا اللحن
تملا سمانا ....... أنغام
وعيون لما بتتلاقى
دايما بالشوق سباقة
وبكل وقار ... تتشاقى
تتمد الإيد .... بسلام
وتعيش .. أجمل احلام
والحرف .. يجر الحرف
والكلمة ... بتبقى كلام
مشاعرنا بشوق تتغلف
وقلوبنا .... أوام تتألف
ويبان الحب ..... علينا
بشعاع لمعته فــ عنينا
مهما عقولنا . بتتفلسف
وان حد اخدنا فــ باله
ولا هوانا ...... بيحلاله
نضحك .. ونقوله وماله
دا اللي فــ بالك أوهام
والحرف .. يجر الحرف
والكلمة .... بتبقى كلام
حوالينا الناس مشغولة
علشان م النظرة الأولى
بان حب مالوهش حدود
كان جوانا ....... موجود
بغرام أشواقه .... مهولة
واكمن عيونهم حاسدة
كانت بصالنا .... وراصدة
ولا واحد كان ولا واحدة
ليهم خاطر ....... ومقام
في حياتنا بقوا ع الطرف
واتهنينا ......... بسلام
والحرف أهو جر الحرف
والكلمة ...... بتبقى كلام
