سوبر ماما __ بقلم الشاعرة زينب سليم أحمد
«««««««««««««««««««
أنا أمي إسم الله عليها
أستاذ فن .... التوفير
بحرير ... تتلف إيديها
ولاأجدع حد خبير
الكل بيشهد ...... ليها
لما بتعيد تدوير ...!!
أيها حاجة ف البيت
بتغير في استعمالها
وتفنن في التخطيط
بتفيد بيتها وعيالها
أول فستاني م يقصر
بتشقلب حاله فــ ثانية
تعمله بليسيه متكسر
تفرح به أُختي التانية
لا تمل ...... ولا تتاقل
فــ ثواني تدمس فول
ومعاه تقلي لنا فلافل
وخضار طازة مغسول
وعلب بنبون وملبس
دوغري تعبيها خيوط
وورق يتشال يتكبس
كنه فــ خزنة محطوط
والأكل البايت برضه
تعمله اشكال والوان
وتغير .. اسلوب عرضه
في أطباق أشكالها جنان
وعلب صلصة ،، ومربى
دا محال يتفرط فيها
دوغري ببهارات تتعبى
وبتليو ... كمان تمليها
أنا أمي Super Mama
ولا فيه زيها فــ الدنيا
شطارتها مثال وعلامة
منبع حب ...... وحنية
