ليه بتظلم ..؟؟ بقلم الشاعرة زينب سليم 🥀🥀🥀🥀🥀🥀🥀🥀🥀🥀🥀🥀🥀
ليه دايما قلبنا بيوجعنا .؟؟
لما الروح .... تغلط وتحب
ليه القلب اللي بيخدعنا ..؟؟
م الأول .... بيقول بيحب
اللي بيجرح .... قلب الغير
دا مهوش بنى ادم بصراحة
ولا ف حياته هيشوف خير
ولا عمره ... هايحس براحة
ربنا سلط ...... عقله عليه
لجل ماياخد .... حقنا منه
حتى أما الدنيا بتديه ...!!
بتاخد اكتر ،،،،، غصبا عنه
ابني ياظالم ... علي بيوت
مهما هاتبني .. ماهتعلاش
لما ف ثانية يجيك الموت
تلقى عمرك راح ببلاش ..!!
يبقى ليه تظلم وتجور ..؟؟
ربك شايفك .... وبمرصادك
لما الدنيا عليك هاتدور ..!!!
تجني بحسرة مر حصادك
اللحق ياللا بسرعة وتوب
سيبك م الدنيا ... وبلاويها
ابدر خير ،، ينبت ف قلوب
دنيا وآخرة ... راح تجنيها
✍️ Zenab Seleem
