عنيدة بطبعي _ بقلم الشاعرة/ زينب سليم أحمد 🥀🥀🥀🥀🥀🥀🥀🥀🥀🥀
أنا عارفة إني عنيدة بطبعي
ولا عمر الشكوى كانت طبعي
ولا يوم بيبان للناس دمعي
لو حتى بموت .. ماهابينشي
الناس مخدوعة ف هدوئي
والبسمة المرسومة ف وشي
مش عارفين اني ومن ذوقي
بخفي أوجاعي .. مابتبانشي
طب ليه وازاي ممكن أشكي
إيد مين هاتطبطب لما أبكي
واللي بتشكيله .... وبتحكي
على حل مشاكله ماقِدرشي
ولا احب أبان إني ضعيفة
أو نفسي مكسورة خفيفة
لجل اللي مايسواش تعريفة
يجي يتنحنحلي .. وبيمشي
من صغري ...... بنوتة قوية
وف جدعنتي .. أغلب 100
ولا مخلوق عمره لعب بيا
ولا كان لوجودي مقدرشي
أنا طبعي عنيدة وغلوسة
وتشوفني ... حتة بسبوسة
واللي بتكرهني ومفروسة
بتولع مني ..... مابتنامشي
✍️ Zenab Seleem
