نصف زوزو الأخر _للشاعرة / زينب سليم أحمد 🌺🌺🌺🌺🌺🌺🌺🌺🌺🌺
أنا أكتر حد بينقُدني ..!!
وبيجي عليا .... ويعاندني
وأوقات بصعب مني عليا
فارجع من تاني وبسندني
ولا مرة فــ عمري بجاملني
بهدوء تلاقيني ... بعاملني
ولساني عليا ... فارقلا ..!!!
لو حَسٔني مرة ... بلاوعني
بسلخ نفسي واعاتبها كتير
لو ضعفت أو صابها تغير
واما بـــ أأنب فيها وتبكي
ولا بتراجع .. أو أقول تبرير
أصل انا عارفاني وفاهماني
لو يوم طبطبت ، هاعود تاني
ولا هتعلم ...... مهما اتألم
وهاعيد الكَرَة ... فــ أحزاني
أنا جوايا مقسوم نصين ...!!
وتملي بعاني .... من الاتنين
وبَــ اغَلب و بــ حكم .. عقلي
علشان آراضيهم فــ الحالتين
أنا واقعة فــ حيرة من يآسي
عوزاني أفضل من نفسي ..!!
ويوماتي مع روحي فــ ثورة
وبــ طورها .... لجل ما ترسي
