ورد بلاستيك 🌺 بقلم الشاعرة / زينب سليم أحمد🌺🌺🌺🌺🌺🌺🌺🌺
«««««««««««««««««
يادنيا .. فيكي العجب
وردك .. بقى بلاستيك
ولا عاد مهم ... الأدب
والقيمة للأستيك ..!!!
يا اخواننا ليه يوماتي
نتغاضى .... ونطاطي
ونعلي .... في الوطي
وعلينا ........ يتأنتك
ووقعنا .. في الحيرة
أشكال .. بقيت عيرة
ولا ليها ....... تسعيرة
وعقول كمان فيستك
ماتقولشي دين وعلام
قول تحتكم على كام
ما فارق حلال وحرام
وحلانجي .... بيتكتك
أما اللي قرشه حلال
واخلاقه .... عال العال
نقول ..... رقيق الحال
وعليه بنتفزلك ....!!!!
✍️ Zenab Seleem
