عينه زايغة 💥 بقلم الشاعرة زينب سليم أحمد
««««««««««««««««««««
ياما كنت بفوت ..... وبعدي
واجي اتكلم .... بيقولي إهدي
ولا باخد واياه ، ولا بــ ادي
وتملي بطلع .... غلطانة ..!!!
ياخوانا يبقى عينيه بتزوغ
ع الرايحة والجايه بيدوخ
وعاملي مراهق .... والنغنوغ
ومصاحب هيفا .....ورا نانا
إهماله للبيت .......... طوالي
وفاكرني ...... مش باخد بالي
واما بيسألني ........ عن حالي
أصبر ..... وبقوله فرحاااااانة
ع الفيس عامل فيها رومانسي
سوبر هيروووو ... ولا المنسي
وان واحدة كتبت اه ياضرسي
يوصفلها دواء فــ 200 خانة
چنتل مع غيري .. وخدومي
وعشان يشرب ... يقلق نومي
شقيت منه ....... كل هدومي
والعيشة معاه ...... ذل إهانة
أخلاقه الحلوة ياناس قشرة
ولا صان الود ... ولا العشرة
خلاني بصمت له بــ العشرة
إنه بعقليه ........ خرباااااانة
✍️ Zenab Seleem
