الله يرحمه كان طيب 💥 بقلم الشاعرة زينب سليم أحمد
«««««««««««««««««««««««««
عمال يوصف في عيوني كتير
ويقول إني ............ كل حياته
وأنه م النسمة صبح ...... بيغير
مانا حب حياته .......... ومراته
وبيحلف أنه ........ ما بينامشي
اول ما بسيبه .... وأقوم امشي
وانا شكاكة ......... مابصدقشي
ولاداخلة عليا ........... حركاته
مثلت عليه ........... إني مأمنة
واني واقعة ف هواه .. وضامنة
وما اطمن إن أنا .......... نايمة
راح دور ...........كل اسطوناته
كلم غادة ...... وسوسن وعبير
وعمل فيها هيمان ....... بيغير
وان غيابه ......... كان له تبرير
أنه متأذي ............. في حياته
ماهو أرمل .... ياحرام وحداني
وأنه مش لاقي حنان ...... تاني
وانا قاعدة بجز له .... ف سناني
بستنى ينهي ........... اتصالاته
خلص لي الباشا ........ نحنحته
ولقاني بتسحب نيحته (ناحيته)
وانا شايلة ........ معايا أسلحته
اللي جايبها ........... من رحلاته
اللي جايبها ........... من رحلاته
✍️ Zenab Seleem