داقت الأرزاق .. بقلم الشاعرة زينب سليم أحمد
ضاقت الأرزاق
ياعم ............ يا قوال
أنا رايحة اقول .. موال
عن كدب .... ياما اتقال
راح يصلح .....الأحوال
ياما قرى ....... ونجوع
صبحت عشاها ...جوع
تروي غيطانها دموع
ولا ليها صوت مسموع
واهي ضاقت الأرزاق
واتدنت ....... الأخلاق
من سرقة ف الأسواق
لتجارة .. في الأعضاء
الصبر حبله ..... داب
وبيوت خزينها خراب
الكل ........ كح تراب
وآملنا صار ..... كداب
يتغنى .......... بربابة
لحياة ..... بقيت غابة
غربان ..... على ديابة
والكل ......... بيتغابى
واللي تقول دا وديع
بيسلط ..... الجرابيع
ويلخبط ... المواضيع
ف الحق عنده يضيع
