عصافير ... بقلم الشاعرة / زينب سليم أحمد
عصافير .. لابتهدى ولا تنام
طول اليوم .. تنقل في كلام
واللي يطرطق ليها ودانه ..!!
يتحمل ........ وهيبقى مُلام
فــ كل مكان خباص كداب
بيلمع ............ كوالين الباب
ومابين العصفور ... والتاني
راح تلقى فــ النص .. غراب
واللي يعوم على عومهم بوم
تتحول دنيته .......... لهموم
ولا تهناله ....... لقمة وهدمة
ع الحورات .... هينام ويقوم
غربان على بوم .. أوعصافير
اشكال على ألوان ..... بتطير
منين ما يهلو بتلقى سواد .!!
والآسافين ....... ليهم إكسير
ربنا سلطهم ....... على ذاتهم
بعقولهم فاشلين فــ حياتهم
تراكيب نقص كتير وعيوب
ويركزوا فــ الناس وعيشتهم
ولا بيراعوا .....ضمير ولا دين
عالم ناقصة .... ومش سالكين
فاكرين دنيتهم ....... هاتدوم
وهما لآخرتهم طايرين ...!!!
✍️ Zenab Seleem