قهوة سادة....بقلم الشاعرة/ زينب سليم أحمد
💥💥قهوة سادة💥💥
◇■◇■◇■◇■◇■◇■◇
يا دنيا عيب ..إختشى
بزيادة ...... حرقة دم
يوم مفرح ليه وانتشي
بتزودي لي ....... الهم
ومصدرالي ..... البوز
احزاني فرد ... وجوز
واللي ماشيها . شمال
تسقي له شربات لوز
يادنيا ........ بزيادة
أحسن ... فرغ صبري
ليه قهوتي سادة ؟؟
واشربها .. على قبري
يادنيا ....... انا مليت
ولا روحت انا ولاجيت
بقفل ...... بيبان الشر
الاقيه يجيني البيت
يا دنيا ...... م الآخر
طبعك .... صبح كافر
ومهما ......... تتكي
صابرين ..... وبنعافر
حالنا يوماتي يضيق
والفقر لينا ... صديق
واللي باقيلنا ..طريق
نهج ......... و نسافر
