بخور جاوي ❤️🔥بقلم الشاعرة/ زينب سليم أحمد
💢💢بخور جاوي💢💢
●■●■●■●■●■●■●■●
ولإمتى هتفضل متداري
جوا السرداب ؟؟
بتشوف الظلم أوام تجري
وترد الباب .!!!!!
عامل فيها طيب وكيوت ؟؟
وان ضميرك مكتوم الصوت
مع انك كل دقيقة تموت .!!
لما تشوف حلمك بتبخر
وبيبقى سراب ..!!!
بتدادي ف ناس ولا تستاهل
وانت المجروح
بيشوفوا آلامك يتجاهلوا
انك مدبوح
وبيجوا عليك دايما عادي
علشان شايفين انك هادي
وتطبطب برضه وبتراضي
وانت بتفرفر ... من جواك
بحلاوة روح
دور في الدنيا راح تلقى
ناس تستاهل
مهما هاتشقى برضه اتحمل
ليه تتساهل
لوكنت صحيح للخير ناوي
خلي الطيبة ، تبقى تقاوي
السيرة هاتبقى بخور جاوي
تحصد حسنات كل ماتقطف
تلقى سنابل