عنيدة بطبعي # بقلم الشاعرة/ زينب سليم أحمد
**********************
أنا عارفة إني عنيدة بطبعي
ولا عمر الشكوى كات طبعي
ولا يوم بيبان للناس دمعي
لو حتى بموت .. ماهابينشي
الناس مخدوعة فــ هدوئي .!
والبسمة المرسومة فــ وشي
مش عارفين اني ومن ذوقي
بخفي أوجاعي .. وماتبانشي
طب ليه وازاي ممكن أشكي؟
إيد مين هاتطبطب لما أبكي
واللي بتشكيله .... وبتحكي
على حل مشاكله مابقِدرشي
ولا احب أبان إني ضعيفة
أو نفسي مكسورة خفيفة
لجل اللي مايسواش تعريفة
يجي يتنحنحلي .. وبيمشي
من صغري ...... بنوتة قوية
وفــ جدعنتي .. أغلب 100
ولا مخلوق عمره لعب بيا
ولا كان لوجودي مقدرشي
أنا طبعي عنيدة وغلوسة
وتشوفني ... حتة بسبوسة
واللي بتكرهني ومفروسة
بتولع مني ..... مابتنامشي
■□■□■□■□■□■□■□
بقلم/ زينب سليم أحمد ..
