صدق نفسه .. بقلم الشاعرة/ زينب سليم أحمد
○□○□○□○□○□○□○□○
لما تقابل ......... ناس كدابة
فاكرين إنها ... سايبة وغابة
فيها الكلب ... مصدق نفسه
انه شيخ منصر ..... لعصابة
بيهرتل ........ وبكل سخافة
والمعاتيه صقفوا بخفافة
قال إعلامي كمان وصحافة
وعلى صفحتنا سايقها رقابة
حدد لنا ..ايه الموضوع ..!!!
ايه مسموح وكمان ممنوع
ايها كلمة .... يقول دي عليا
ويجعر .. ويروح مصروع
فاكر ان الواد له قيمة ...!!!
ولا نجم ... Star ف السيما
مع اني ....... والنية سليمة
بضحك لما ألقاه مفزوع .!!!
البيه حب يسوق ... الاعيبه
وانا شايفة وسيباه على عيبه
قال دي قليلة الحيلة ضعيفة
دانا ف النكش ياواد لاعيبة
سايبة شيطانك جوا دماغك
لما يهدك .... ويجيب داغك
وبكفه يعلم ف صداغك .!!!
أو ربنا ........ يبليك بمصيبة
