واد & وبت 💥بقلم الشاعرة/ زينب سليم أحمد
●●●●●●●●●●●●●●●
السلعة .......... لما تبور
ورزقها ............ يعاكس
زي العجين .. ف ماجور
خمران .... ومتخابث ..!!
وف ثانية ... عقله يشت
ويشيل فى طين ويحط
ولا فارقة واد من بت .!!!
لو رازى ....... أو شاكس
لو واد بيستظرف ..!!!!
بتحسه ........... متكتف
في القول ...... وبيستف
وبروحه ... مش حاسس
والبت ....... مابتختشي
بكلام قبيح ..... شفتشي
تفرح ، وبه تنتشي ...!!
وتظنه بيعاكس .. ....!!!!!
لما الأرض ، تبور وتعطب
وصاحبها تلقاه جرفها ..!!
بلح النخلة أوام بيرطب
ويسد ترعها ، ومصارفها
ولابندوق ، تينها وزتونها
بعد مافارق خيرهاماعونها
حتى رمالها مابيبان لونها
وعدو وصاحب ماعرفها
الواد تلقاه ...... هج وغار
ويوماتي البت بتنهار ....!!
بتعيش قصة .. قط وفار
وحياها . ضاع قبل شرفها
لما تعود .... فطرتنا سليمة
راح يبقالنا ، شأن وقيمة
ويعود تاني حسن لنعيمة
واما تشرفه ، راح يعرفها
✍️ Zenab Seleem
