تل عقارب .. بقلم الشاعرة الكبيرة/ زينب سليم أحمد
◇□◇□◇□◇□◇□◇□◇□◇
لما تلاقي .... وشوش ألوان
والحرامية غيلان ،، وحيتان
صعب تلاقي الحق يبان ..!!
وتشوف ياما قصص وحكاوي
بغل ينهق بقى فنان .......!!
والجربوع قالوا عليه سلطان
وبهانة ........ تلبس فستان
وتقول ف نصايح .. وفتاوي
نسناس عمال ... ليها يطبل
وبينفخ فيها ..... ويستهبل
مع انه عصفورة مخبل ...!!
وبيحكي عنها ..... ف بلاوي
قاعد شكشك .. ف البلكونة
سايق فيها .. ابن المجنونة
قنواته كلها مسكونة .....!!!
تل عقارب ،،، ماهو غلاوي
واللي عاملي ، سيد الفرسان
تلقاه اصله خسيس وجبان
قالبة جيناته ... على نسوان
وعقله طبق الأصل .. حصاوي
