جوايا طفلة # بقلم الشاعرة/ زينب سليم أحمد

        جوا مني طفلة
♡♡♡♡♡♡♡♡♡♡♡♡

جوايا طفلة ...... معنداني
بداريها  كتير  ،  بتبان تاني
بتزيح القسوة  ف ملامحي
وبتظهر  ،  ضعفي الإنساني
جواها جبال  ،  رقة وطيبة
ودموع عينها  تملي قريبة
بتشوف ياما ، غدر  وخيبة
ولا تتغير  ...... مهما تعاني

بمشاكل غيرها ...  مهمومة
وتعيش حالة مش مفهومة
أصحاب  الأزمة ... يعدوها
والهانم تبكي ومصدومة .!!
بعاتبها كتير ......... وبأنبها
وبشد عليها ..... واحاسبها
لما بتبكي .. دوغري بسيبها
وبحسها فعلا ..... مظلومة

رقتها زيادة ........ وتعبتنا
عايشة ف دنيا غير  دنيتنا
قلبها لأخضر بالخير مبدور
بيشع بنور  ... يسكن بيتنا
ياما نفسي ف مرة اقسيها
على طبع ... الدنيا آرسيها
لجل ان تفوق .... وأنسيها
وبقوة نكمل ........ سكتنا

قلبي طيب ، بس عنيد .!!
جمع أحلامه .. ف عناقيد
واللي بيفرط ... من أيامه
يرويه  بمحبة ... ف يزيد
متعبي تفاؤل ، كله شباب
وتملي لبكرة ، موارب باب
ولاشاغل باله إيه الأسباب
الحب مسح منه التجاعيد