ألوان باهتة 💥 بقلم الشاعرة/ زينب سليم أحمد
ألوان باهتة
الدنيا زي الدواليب .....!!!!
محتاجة تملي ..... لترتيب
الناس حواليك زي هدومك
واللي يليق لك يبقى قريب
اما اللي يبان . لونه البهتان
وبيتلون ... أشكال والوان
بنفاقه تملي ....... والبهتان
لو تحتاجه .. تحسه غريب
واللي تلاقي مقاسه إتغيير
وف عينك فجأة بقى صغير
اتبرع بيه للي يليق به ..!!!
ولا تندم يوم ، ولا تتحير
واما تشوف ندل أوام لبسه
راح تلقاه ..كاتم على نفسه
أقعد عالحيط واسمع حسه
لما تشوفه ..... بهمه اتضرر
دول هم على القلب وعالة
ودواهم نسفة ...... وإزالة
عمرك ما تأمن .... لدغتهم
لو كانت عمة .... أو خالة
تلقاه في حياتك محشور
يفرح لو شافك ، مكسور
مهما تكون ، فيهم معذور
اتبرع بيهم ......... لرسالة
