إتقوا ربنا 💥بقلم الشاعرة/ زينب سليم أحمد
»»»»»»»»»»»»»»»»»»»»»»
ايدك على كتفها ياحيلتها ...؟!
وتقول زي أختي ، فــ غلاوتها
يبليك ربنا ...... بحوٌل يابعيد
وتخيب ولاياك .... زي خيبتها
بعد الأمسية ........ بتتمشوا
وبحجة قال إيه تتعشوا ....!!
للفجر بترغوا ........ وتتفشوا
فــ مصيبتك حبة .. ومصبيتها
قاعدين ع القهوة ، طول الليل
بتهاتوا فــ شعر ..... ومواويل
و فــ بحر طحينة مغرقها ..!!!
وانت فــ بيتك دلدول وعويل
اتلم المتعوس ....... والخايبة
واتعلق ........ بحبالها الدايبة
لو بنت أصول ومهيش عايبة
كات تحسب سيرها وخطوتها
اما انت بقى ، ياغراب البين
لو عندك حبة نخوة ..... ودين
عمرك ما تعيش زي التعابين
وفـــ بيتك ست برقبتها ....!!!
إتقوا ربنا ........... أنت وهيا
خافوا لتقعوا ، يوم فــ الخية
وتجيلكو بلوة ........ مدوية
تلبسكوا فضيحة .. فــ أخرتها
من قصيدة [[[ إتقوا ربنا ]]]
✍️ Zenab Seleem
