عريس الجنة💔 بقلم الشاعرة/ زينب سليم أحمد
، ■ عريس الجنه ■
●■●■●■●■●■●■●■●
ليه استكترتوا عليه الفرحة ؟؟
والبسمة فــ وشوشكوا بثمن
عريس لبس لعروسته الطرحة
وكتبوا معاهدة .. بطول الزمن
بعد شقاه ..... في بلاد الله
بارك ربنا له ...... فــ مسعاه
كات ليلة فرحه .... ياولداه
والصباحية ، فــ حضن الكفن
عين حساده .... صابت قلبه
حاقدين باينة ..... ومابيخبوا
وعروسته .... اتفاجئت جنبه
روحه بتروح ...... وقلبه ركن
اسس بيته ....... بسنين غربة
لكن كان اقرب للتربة .....!!!
مين يتحمل حجم الكربة ؟؟
واهله شافوه فــ القبر سكن