بطل من ورق💥 بقلم الشاعرة/ زينب سليم أحمد
وقولت يعلي .... من شأنك
لقيتك قولت شوف غيري
لا دا زماني ..... ولا زمانك
أنا مسالم ، قوي وبسيط
ومتداري ف حيطان البيت
بخاف صوتي ف يوم يعلى
يقولوا اتجن ، ولا عبيط
بشوف ياما ....... ولا اتكلم
وبعمل راضي ....... ومسلم
بخاف أعلن .. واقول رأيي
لا الاقي ..... دنيتي تضلم
بقول حاضر ... وعلى عيني
وطاعتي تملي تحميني ...!!
من اللي الشر ..... ف ركابه
ياخدني ف باله .... يرازيني
برغم دا كله ،،، عايش زق
ماشيه حياتي .. خبط ودق
مابالك لو قاوحت ف يوم
ويعلى الصوت بقولة لاء .!!
ضعفي أكيد قدر ونصيب
وعند الكل ..... غالي حبيب
وليه اعادي .... وانا الأسهل
أطيع عادي قريب وغريب
شهدلي الكل ...... بالطيبة
لساني .... مايعرف العيبة
وبدعي بحرقة ... من قلبي
يبليهم ربي .. بمصيبة ..!!
واعصابي ..... ودمي اتحرق
ولا معاهم ف يوم دا فرق
وشايف نفسي .... م الأبطال
ولو قولتي .... بطولتي ورق
لو قولتي ...... بطولتي ورق