عاوزين معجزة💥 بقلم الشاعرة زينب سليم
◇□◇□◇□◇□◇□◇□◇□◇
خليك عايش علطول ف الضل
هتكون في امان وحياتك فل
احسن ماتقابل منحرفين ...!!!
عايشين تعابين ..... لدغتها تشل
دول ليل ونهار .... بيعبوا ذنوب
والعرض يوماتي سينما سكوب
النصاب منهم ......... لما يتوب
يقلب مُفتي ، ولغيره يضل ...!!!
هتشوف اشكال والوان ملاعين
شطحت مراكيبهم وسط الطين
واللي تقول قيمة ... وملو العين
تلاقيه متعبي سواد على غل .!!!
صعب تلاقي بينهم حد عفيف
واما يلاقوا حد مثالي .... نضيف
ف ثواني يقلبوا .. وحش مخيف
بأنياب ومخالب ..... مش بتكل
هتقول أنا ناصح ليكو امين ؟؟
يبقى نهار اسود ..... زي الطين
هتلاقي ابالسة .. على شياطين
شايطين ... ويخلوا حياتك خل
لجل مايهتدوا ...عاوزين اعجاز
ب تهاتي كتير .. ومفيش إنجاز
إبعد سيبهم .... يتحرقوا بجاز
دانت لو نبي منهم هاتمل ....!!!!
✍️ Zenab Seleem