نقطة ومن أول السطر 💥بقلم الشاعرة زينب سليم أحمد
◇□◇□◇□◇□◇□◇□◇
اللي قال إبليس ... يتوب
ويبقى معصوم م الذنوب
كنه مستني ..... الصهاينة
يوقفوا سيل الحروب ..!!!
اللي عاش .... وسط اللئام
اصله بيبان ...... فــ الكلام
والقناع .......... ولا اللجام
برضه ، هايشف العيوب .!!
اللي عايش .... ع الخيابة
ولا متربي ......... فــ غابة
لما ينوي ....... ع الطيابة
تلقاه برضه يكون معيوب
معوج سيره كمان وسلوكه
صواميله مفككة ، وسلوكه
واللي يعامله سهل يسوقه
لما يشوف ، عقله المسلوب
واللي يقول ... سن وكُبارة
أو ساذج ، وعبيط الحارة
ده يتعبى فــ قلب شيكارة
اكمنه ..... اتجن ومجذوب
الكبير .... فــ مقامه يعلى
وف عيون .... الخلق يغلى
لإحترامه .... في المعاملة
يبقى أكيد غالي ومحبوب
✍️ Zenab Seleem
