سيبك ياقلبي 😍بقلم الشاعرة/ زينب سليم أحمد
=================
لساك ياقلبي .. خايب
وبتصدق ... كمان .!!!
بتقول ..... أنا ليا نايب
م الحب ...... والحنان
بتشوف الناس بعيونك
وتصدق اللي يخونك
بهدوءك أو بجنونك
وتديله .... الأمان ..!!!
سيبك ياقلبي سيبك
كفاية عتاب و ملام
اللي كان يوم حبيبك
خسارة فيه ... الغرام
ابعد عنه ..... وانساه
انسى عذابك .. وياه
واللي انت ... بتتمناه
راح يجي .. مع الأيام
لتكون في حبه دايب
وتصدق ....... أو تتحير
امتى كانوا الحبايب .!!!
على بعضها ..... بتتغير
دا يوماتي ب1000وش
وحبه ليك ...... دا غش
حتى لو قال ..... معلش
أنا علشانك هاتغير ..!!!
اصحى ياقلبي ... فوق
ليه عايش ف الأوهام
اخنق جواك .... الشوق
وبلاش .. شغل الأفلام
بتصدق ليه الدموع .؟؟
وتحن ....... للرجوع
وعشانه . تقيد شموع
طفيتها ... من زمان
معقولة تكون عشمان ؟؟
وسامحت بكل سذاجة
ماخلاص .. فات الأوان
روحي مهياش محتاجة
دا اللي اتعدى ..الحدود
اتنسى .. مبقاش موجود
لو كان أخر .... الوجود
عمر مايبقاله مكان .!!!