إمسح دموعك💥بقلم الشاعرة/ زينب سليم أحمد
♡♡♡♡♡♡♡♡♡♡♡♡
امسح بإيدك ..... الدموع
إياك تفكر ..... ف الرجوع
وداري خيبتك .. جوا قلب
حالف لينسف .... الضلوع
فيه ناس بتدخل القلوب
بتخلي العاصي اوام يتوب
اما اللي قلبه .. ملان سواد
معرفتك له تكفير ذنوب
الطيبة مع الناس الحلوة
تتقابل ببراءة ..... وغنوة
اما الخاين وقليل الأصل
يتنطط .... ويردها قسوة
أما الغالي ... اللي يحبك
بسهولة ... هايدخل قلبك
لا هايتخلى .. ولا يستنى
تطلب منه .. يكون جنبك
✍️ Zenab Seleem
