الأرض عرض 💥بقلم الشاعرة/ زينب سليم أحمد
********************
اعمل حسابك انك ....!!!!
محسوب ع الأرض عالة
حتى اللي كانوا .... منك
راحوا ...... ف وبا وإزالة
مفرقش ....... فقر وغنى
وتروح ...... هناك او هنا
دي القبضة متمكنة ...!!!
في مؤشرات ...... الحالة
أرواح كتير ....... راحت
ولا حد ...... فاهم شييء
ريحة الفساد ..... فاحت
نفس البلد ........ بيضيق
الشعب ............ بيفرفر
وحكومة ............ بتبرر
مسؤلها ............ بيقرر
الحل رصف طريق ....!!!
ياسيدنا ........ حس بنا
العيشة صبحت ... ضنك
جبنا بقى ........... أخرنا
في سداد .... ديون البنك
مش طالبة ........ رفاهية
عاصمتها ........... إدارية
أنا عايزة ........ بس أمان
ورعاية ............. صحية
حلقة يوماتي ... وبتضيق
الروح بتئن مهيش بتطيق
ع البطن ربطنا الف حزام
والرزق علينا كمان بيضيق
قللنا ........... عدد الذرية
والأسعار ...... قنبلة ذرية
وطمعنا ف عيش مع حرية
اتارينا نزلنا ف بحر غريق
دي بلدنا .... وكلنا حبينها
عجبانا ولو مش عاجبينها
بنضحي عشانها ونحميها
ونحب كل ...... محبينها
حبنا ليها ....... دايما زايد
ولا بنعلي ...... ولا بنزايد
دي اصول جوانا وعوايد
أرضنا عرضنا ربي صاينها
أرضنا عرضنا ربي صاينها
✍️ Zenab Seleem