بقيت احتار 💥 بقلم الشاعرة زينب سليم أحمد
❤️🔥❤️🔥بقيت احتار❤️🔥❤️🔥
◇□◇□◇□◇□◇□◇□◇
كنت زمان ........دايماً بااحتار
كاني ف بير ....... وماله قرار
من أحوال البني الأدميين ..!!
عين في الجنة وعين ف النار
اللي تنافقه ...... وتمدح عيبه
دوغري ف ثانية تبقى حبيبه
ويقرب منك .......... بزيادة
زي العادة ...... سوا بتخيبوا
بس تصارحه ف يوم بحقيقة
دوغري راح تخسره ف دقيقة
في بلاك ليست اوام يرميك
واما يشوفك ،،، تبقى حريقة
بس يشوفك ....... تلقاه ولع
ويبحلق فيك ....... وبيتطلع
يقنع نفسه ...... انك غلطان
واد مايص .... عمال تتدلع
من خيبته بيقول دا اتجنن
جاي يشحت وبقوله يحنن
وبيتحزم قال وبيرقص ..!!!
جدو بيعمل ،، نوغة صغنن
واما بشوف خيبته وحركاته
بستغرب .... على كل حالاته
واتأكد ...... وابصم بالعشرة
اللي اختشوا انتحروا وماتوا
✍️ Zenab Seleem
