قليل الأصل💥بقلم الشاعرة زينب سليم أحمد
❤️🔥❤️🔥قليل الأصل❤️🔥❤️🔥●■●■●■●■●■●■●■●
أصلك بيبان .. وقت الشدة
ان كان باللين ، أو بالحدة
عمر العقل ... ماكان بالسن
ولا جد بيفرق ... ولا جدة
الراجل تكشفه ..... أفعاله
ب شهامة بتبان ف خصاله
أو اسلوبه ....... ويا عياله
لو فيها غباوة ..... ومودة
في مصايبك يفرح بشماتة
وكلامه ..... بهرتلة وغتاتة
دي الدنيا ياصاحبي دوارة
مش عندي وعندك متفاتة
هاتلف الأيام ....... وتدور
فجأة هايجي عليك الدور
يومها يكون قلبك مكسور
تلاقيني ... جنبك ب تباتة
اللي مثاله ... دا منه كتير
سلوك معوج وكمان السير
كله عبر وعاملي مثالي .!!
غباء طوالي بدون تفسير
لو شوفته ..بيبوخ سمومه
ولا طايق ،، نفسه وهدومه
لا تعاتبه .. ولا حتى تلومه
ولا تتوقع فيه تغيير ..!!!!
الجدعنة مش هوى وميول
دي رباية وأخلاق وأصول
اما اللي مع الرايجة يعوم
يبقى قليل اصل ودلدول
لما يفارق ........ نكسر قُلة
وحضوره يبلينا .... ب عِلة
ف عيون الناس تلقاه قلة
مخه كانه مخ عجول ..!!!
مخه كانه مخ عجول ..!!!
✍️ Zenab Seleem