حبيبي جاي 🥰 بقلم الشاعرة زينب سليم أحمد
♡♡♡♡♡♡♡♡♡♡♡♡♡
حبيبي جاي .... بعد غيبة
قال بحبك .... من سكات
دوخت انا وحسيت بهيبة
م اللي بتصيب ..... البنات
لمحت وانا بصة ف عيونه
لهفته ... وشوقه وجنونه
دعيت اله الكون يصونه
ونسيت أوام كل اللي فات
جاي حبيبي وكان مكسوف
فكره إني هالومه واعاتبه
دانا روحي وقلبي الملهوف
دايبين ف عيونه ... وبحبه
هو يادوب .. لسة هيتكلم
رفع القلب الراية .. وسلم
اصل هواه .. جوايا معلم
فرحة قلبي لقيتها ف قربه
جاني اللي بحبه ... وبريده
والدنيا بقيت مش سيعاني
كان عطر الورد اللي فإيده
مالقيتله مثيل ف الكون تاني
وكأن مابيني وبينه . ميعاد
لفيت علشانه ... بلاد وبلاد
وبداري هوانا .. من الحساد
ماحنا سنين .. منهم بنعاني
✍️ Zenab Seleem