أمك وأبوك 😍 بقلم الشاعرة زينب سليم أحمد
[[ أمك وأبوك ]]
♡♡♡♡♡♡♡♡♡♡
الأب ........ ولا الأم
الغلب ...... شايفينه
شالوا كتير ،،،،، الهم
ومراره ،،،،، شاربينه
لاطلبوا كلمة .. شكر
وماداقوا غير .. المر
وبكل طيبة .. وصبر
الحمل شايلينه ...!!!
صابرين على الأهوال
الضهر ... فوقه جبال
على كل شكل وحال
صبار ...... وساقينه
كل الأمان ...... والود
بيقدموه ....... للولد
يبنوا ........ وهو يهد
ويقول دا سايقينه .!!
الأم ....... ولا الأب
بيخططوا ... وبحب
وبيرسمولك ،،،، درب
بالورد ..... زارعينه
أمك .... كمان وأبوك
تعبوا كتير ..... ربوك
وف شدتك ماسابوك
سندوك .... وبيعينوا
والولد لو يوم عصى
وغلطه عدد الحصى
شدوا عليه ،،،، بالعصا
يحموه ،، وحارسينه
ليه تشمت فيك عداك
دا يابخت مين بكاك
ولو بالشدة أذاك ...!!!
دا بيبقى ... على عينه
الوالدين ... في الحياة
بركة ...... وعطية إله
برضاهم ، تنول رضاه
وعمرك ،، تحلو سنينه
وعمرك ،، تحلو سنينه
