فيش وتشبيه 💥بقلم الشاعرة زينب سليم أحمد
◇◇◇◇◇◇◇◇◇◇◇◇◇◇◇
ايواالله .... حزينة على فراقكم
ولا كنت اتخيل ..... هافارقكم
بس ماسيبتوش ... للقلب خيار
لما حرقتوه ..... قال يحرقكم
فبلاش تعملوا نفسكو مساكين
وانكو باقيين ... فينا وماسكين
دإنتم ولا كنتو ف يوم سالكين
وفهمنا خلاص .. سوء اخلاقكم
كنتو بتغلطوا .... واحنا نفووت
ونقول غلطة .... ومش هاتموت
علشان كدا ...... كنتو بتتمادوا
وكمان عقلكو ...... بقى بيفوت
ويوماتي أملنا ... فيكو بيخيب
والصبر عليكم ... ضعف وعيب
يبقى فراقكم ... قسمة ونصيب
سهل وعادي ..... مش هايموت
أختارتم ناس ، أخلاقها مفيش
بتبيع كرامتها .. لجل تعيش .!!!
اخلاقكم ..... تشبه بعض كتير
مسموم بينكم ملحكو والعيش
بانت ندالتكم ... في أول فصل
وساعتها بس ... أهو بان الأصل
ودكم مدفوع .. بفاتورة ووصل
سابقة .. ومعمولها مليون فيش
✍️ Zenab Seleem
