الودع 💥بقلم الشاعرة زينب سليم أحمد
🍒🍒 الودع 🍒🍒
💥💥💥💥💥💥
ياضاربين ..... الودع
هو الودع قال ايه ؟؟
خصام حبيبي ... دلع
ولا خصامه ايه ؟؟؟؟
وان كان خصامه هزار
أنا قلبي ...... ولع نار
م البعد .... أنا محتار
مبقيتش قادرة عليه
ياضاربين .... الودع
هو الودع قال إيه ؟؟
وان كان بعاده دلال
قصده ...... يحيرني
قولوله ، والله محال
بعده ......... يغيرني
قلبي بهواه .. اكتفى
صاين ... سنين الوفا
ولقاه .. دا هوا الشفا
اللي مصبرني .....!!!
ياضاربين ..... الودع
هو الودع قال ايه ؟؟
وان كان بعاده خوف
من بكره ...... وآلامه
اغزل بشوقي حروف
وافرح ........ بأيامه
ياضاربين .... الودع
قلبي تعب .. واتوجع
وحلفلي ... اني جدع
قادر على .. خصامه
ياضاربين ..... الودع
هو الودع قال ايه ؟؟
✍️ Zenab Seleem
