الشكل العام 💥بقلم الشاعرة زينب سليم أحمد
◇□◇□◇□◇□◇□◇□◇
على فكرة ... الشكل العام .
100 فل ...... وكله تمام
واللي ماقبش .... ولا عام
فقري ........ وأمه فقرية
دا يوماتي .. فيه مشاريع
إنتاج عالي ....... وتصنيع
تسكت ..... حقك هايضيع
بالزور ........ وملكش دية
عمال تشكي ....... بالباطل
بتهاتي ...... وقاعد عاطل
ع القهوة .. يادوب بتماطل
وعاملي ........ سليم النية
في الطالع ... أو فــ النازل
على خلق الله ..... تتراذل
دا بسبب ...... انك بتغازل
الرايحة كمان .... والجاية
وعشانك ... حيطة وجتة
صيطك ... ذايع فــ الحتة
تغلب لك ... خمسة وستة
عادي بالضربة القاضية .!!
ع الناس فالح .... تتنأوز
وتكشر ........ قال وتبوز
قال إيه ...... عاوز تتجوز
إنصاف ... بنت أم عطية
لو روحت وقولت تناسب
تبقى تفكر ..... وتحاسب
مين فيكم راح هايحاسب
أمك ... ولا البُنية ...؟؟!!!
✍️ Zenab Seleem
