مثلث برمودا 💥بقلم الشاعرة زينب سليم أحمد
◇◇◇◇◇◇◇◇◇◇◇◇◇◇
أفكارك .... لو كات محدودة
أو روحك .... شريرة و سودا
تلقى بيبان الخير راح تقفل
والدنيا ... فــ وشك مسدودة
البركة هاتقل ......... فــ مالك
وشيطان ،، يتحكم فــ عيالك
وتحسك ...... م اللي بيجرالك
تايه ......... فــ مثلث برمودا
لكن لما تراعي ....... ضميرك
تتقي ربك ..... فيك وفــ غيرك
عمر الكون بأذاه ... مايضيرك
طول م إيديك بالخير ممدودة
تلقى الرزق ..... هايبقى متاح
ويوماتي .......... بالك مرتاح
ضيقتك تتحول لــ براح ....!!!!
والبركة فــ أرضك .... مفرودة
✍️ Zenab Seleem
