قلب بريء 💥بقلم الشاعرة زينب سليم أحمد
♡♡♡♡♡♡♡♡♡♡♡♡♡♡
أصعب إحساس
إنك لما .......... بتحس بضيق
وما بين الناس
مش بتلاقي .. ولاحتى صديق
ولا إيد بتطبطب ... على قلبك
أو حد يقولك ......... أنا جنبك
والقلب اللي حلف ...... بيحبك
بكلامه مضايقك وخنيق ...!!!!
وعشانك دوغري معاه وصريح
ولا ليك ف ملاوعة أو نحانيح
بيسمي كلامك له تجريح ...!!!
وكتير خُلقه ...... منك بيضيق
والأصعب ........ تلاقيه ببرود
موجود وكأنه مهوش موجود
ولا له في حياتك دور ووجود
بيفرق بينكم ، 1000 طريق
دا بيخلق فجوة ..... ومساحة
وساعتها الوحدة تكون راحة
وتلاقي روحك ....... مرتاحة
وبيرجع قلبك .... هادي بريء
بتحس الدنيا .......... بتتلون
والنور جواك .... طفل اتكون
روحك تفرح ........ وبتطمن
من بعد سنين ، نشفت الريق
✍️ Zenab Seleem
