بعض الظن 💥بقلم الشاعرة زينب سليم أحمد
♡♡♡♡♡♡♡♡♡♡♡♡
{ إن بعض الظن إثم .....}
زي ما بعضه حُسن فطنة
يعني قبل العيب فــ إسم
إتآنى .......... واتحرى عنه
قبل ما تذم ..... بــ قوالة
أو تقول .... عايش عوالة
ولا توصفه ......... بالرذالة
وكلام مش متأكد منه ..!!!
لو تخوض فــ حق غيرك
تلقى ناس هاتذم فيك ...!!
اخنق شرك .... فيك بخيرك
ليه الشر يكون ماليك ...؟!
ليه بتتحمل ذنوب ....؟؟؟
هو مين خالي العيوب ..؟!
اللحق استغفر ...... وتوب
ربك ....... م الذنب ينجيك
لو هاتتمادى ....... فــ غيك
ولا غراك .............. الحياه
قبل منك ..... كان فيه زيك
اللي متباهى .......... بآذاه
بعد ما كان قوة وجبروت
اخده أوام ،،، وطواه الموت
بين الناس لو سيرته تفوت
ولا تترحم ولا طايقاه ..!!!!
✍️ Zenab Seleem
