الأيام دوارة 💥بقلم الشاعرة زينب سليم أحمد
◇□◇□◇□◇□◇□◇□◇
لساك ياقلبي بتتخدع ؟؟؟؟
وتقول على الناس طيبين
عايش مابينهم واد جدع
وانت شايفهم كدابين ....!!!
يعطوك الكف .... وراه الكف
وتشوف العمر شريط بيسف
وبقولك لو تبعد ..... هاتخف
تقولي .... دول عشرة سنين
دول قلوبهم ... سودا كالحة
زي أرض شراقي ..... مالحة
عمرك شوفت زرعة صالحة
كات بذورها معطنين ....!!!!
الأيام دوارة ......... سواقي
اللي شارب ..... واللي ساقي
لو حسب ، عمره اللي باقي
يلقى الناتج بس يومين ..!!
اللي راجع ......... فيها حاله
واتعظ .......... م اللي جراله
يلقى سعد الدنيا ....... جاله
والآخرة ... يكون م الفايزين
✍️ Zenab Seleem
