وعهد الله 💥 بقلم الشاعرة زينب سليم أحمد
◇□◇□◇□◇□◇□◇□◇
يشهد ربي ....... مانسيتك
وعالم إني .......... حبيتك
ولولا خوفي ...... من بكرة
ماكنت فارقت يوم بيتك
روحي فاتتني ..... وبعيدة
وقلبي تشقه ........ تنهيدة
بكون موجودة وسط ألوف
وحاسة اليُتم .... ووحيدة
قولت لروحي .... تستاهلي
ليه لوجعنا ... تتجاهلي ؟؟
قالتلي أموت ، وهو يعيش
دا هو الباقي ..... من أهلي
رضيت فيا ، تسيىء ظنك
واعيش واموت بعيد عنك
هوانا بيجري .... ف وريدي
ونبض القلب ..... كان منك
شكيتني ....... للي يكرهني
قولت كلام ....... كتير عني
واما خلاص ..... يفيض بيا
أشوف صورتك تطمني ..!!!
ومهما تكون ، ومهما اكون
لاهاتخوني ...ولاأنفع أخون
وقصة حبنا ....... هاتعيش
نعلمها .......... لكل الكون
نعلمها .......... لكل الكون
✍️ Zenab Seleem
