رخامة وغتاته💥بقلم الشاعرة زينب سليم أحمد
◇□◇□◇□◇□◇□◇□◇□◇
من لساني ... وطول سيادته
صدقوني بقيت أخاف ...!!!
اسمعوا مني ......... حكايته
بس تجاوبوني ...... بإنصاف
ابقى قاعدة ياناس ف حالي
وبراعي بيتي ....... وعيالي
ألقى بسلامته ........ طوالي
داخل خاص بيقولي عوااف
فكره الدنيا ... سايبة وغابة
يبقى لا بينا نسب وقرابة .!!
يرمي سلامه بذوق وطيابة
واد جنتل ... كامل الاوصاف
يترجاك ....... تسمع أحواله
قال ايه راح يشكيلك حاله
بعد ما ماتت ........ ام عياله
بيعاني الوحدة .... وبيخاف
سايب أهله وناسه وأمه ..!!
واختارني ..... يشكيلي همه
قولت مردش .. واحرق دمه
لقيته للأخلاق ..... ولا شاف
قال ليه بتتعالي بآلاطة .؟؟
سايقاها ..... رخامة وغتاتة
لو تاخدي الدنيا .... ببساطة
كان فاتك قشطوطة خشاف
وتبقي ... أجمل بت ف مصر
بكل سهولة هبدته ... الحظر
وكتبت لكم ... قصته حصر
أنبه بيها .. حنان وعفاف .!!
✍️ Zenab Seleem
