للحيطة ودان 💥بقلم الشاعرة زينب سليم أحمد
◇□◇□◇□◇□◇□◇□◇□◇
سرك .. لو يخرج من جوفك
في ثواني تلقاه م تذاع ...!!
اللي شكيت له كل ظروفك
جري وعملها ،،، تريند مشاع
ليه تزعل وتكون غضبان ؟؟؟
واللي قبلنا ........ قالوا زمان
إن الحيطة ... دي ليها ودان
وبير أسرارك ....... كان بياع
اللي تروحله تقول دا حبيبك
تشكي له من .... مُر نصيبك
سهل بسهم الغدر ... يصيبك
وتزود همك بـــ خداع ...!!!!
اضحك ع المحنة .. وانساها
تلقى المنحة ..... جاي معاها
وهمومك كلها ......... تلقاها
بتقولك باباي ...... ووداااااع
قلبك لو بالذكر ..... اتمضمض
وبسرك لله ....... هاتفضفض
تلقى بسجدة .. قبل ماتنهض
غسلت روحك م الأوجاع .!!
✍️ Zenab Seleem
