1000 سلامة 💥بقلم الشاعرة زينب سليم أحمد

  💥💥  1000 سلامة  💥💥
◇□◇□◇□◇□◇□◇□◇□◇

لما بتبقى قلوبنا ،،،،،،،،، جريحة
ونشوف ناس ،، طيبة ومريحة
نلقى ،،،،،،،،،،،،، جراح القلب تلم
وننسى وشوش سودة وقبيحة
ناس علموا  ،،،، ع القلب علامة
لا بيسمعوا ،،،، لا عتاب وملامة
سيبناهم ،، و بـــ 1000 سلامة 
يتنحنحوا ،، مع سوسو وديحة 
ولا يوم رف ،،،،،،،، عليهم رمش
ولا راح اقول ،، عادي  ومعلش
ليه أسأل ع اللي ما يسألش ؟؟
واتعصب ، واعمله فضيحة ..!!
خلوه يروح ،،،،، مطرح مايروح
والله بعاده ،،، يرد الروح ...!!!!
بكره مسيره ،،،،، يعود مجروح
نادم على خيبته ،،،،، وسطيحة
لو فاكر راح أحن ،،،،،، واسامح
واكتم زعلي ، وغيظي الجامح
بعد ما نادى ،،،،،،،،، عليا إمبارح
قالي ياروح قلبي ياسميحة .!!
يبقى بيحلم  ،،،،،،،،،، ولا عبيط
صواميله ،،،،،، محتاجة تظبيط
لا يقول توبة ،،،،،، من التنطيط
لإما ساطور ،، وهيبقى دبيحة 🤣