ع الأوتار 💥بقلم الشاعرة زينب سليم أحمد
◇□◇□◇□◇□◇□◇□◇□◇
لما تلاقي ......... الدنيا معاندة
داخلة معاك ف خناق ومناهدة
يوم ماتخاف ،، منها وتستسلم
ويادوب بتقضيها ،،،،، مشاهدة
هاتشوف منها ،،،،، يوماتي مرار
تسقيك منه .......... ليل ونهار
تعزف أحزان ... ع الأوتار ..!!!!
تمضي معاها يوماتي معاهدة
عمر الدنيا ف يوم ،، ماتطبطب
ع الكسلان ..... ابو فكر معطب
ولا ريقه الناشف ،،،،،،، هايرطب
وايده تملي ...ع الغير ساندة
قلبه بينهج ،،،،،،،، لما يفكر ..!!!
واللي يقوله ، يعيد ويكرر ..!!
واما بينوي ،،،، خلاص ويقرر
بيقفلها ،،،،، لياسة وسدة .!!!!!!
اما اللي بيسعى ....... ومظبط
وبيرسم سكته ،،،،،،، ومخطط
لما شيطانه عليه ،،،،،،، يتسلط
يتصدى له ب حسم ،،،، و حِدة
لا بتفلت من ايده ،،،،،،،،، الدفة
وكلامه ،،،،،،،،، موزون ع الكفة
بالأخلاق ،،،،،،،،،، ومعاها الخفة
الناس ،،،،،،،،، على حبة متحدة
✍️ Zenab Seleem
