أتحدااااك 💥بقلم الشاعرة زينب سليم أحمد
◇■◇■◇■◇■◇■◇■◇■◇
جاي دلوقتي ... تقولي نسيت
واللي مابينا ....... وقت وفات
وانك ليا .............. لو حنيت
بيكون شوق لحبيب كان مات
جالك قلب تقولها فــ وشي ؟!!
كلمة رميتها ..... أوام وبتمشي
من بعدها عيني ..... منامتشي
وروحي بتتعذب ،،،، في سُكات
ليه بتقول على حبنا كان ؟؟؟
أو على قلبي ...... وقلبك هان
داحنا لينا ........ فــ كل مكان
ذكرى ... تساوي كتير حكايات
نايمة وصاحية طيفك أُدامي
وبشوفك فارس ..... أحلامي
اسمك أغلى .. نغم في كلامي
بــ كتبله ........ أحلى الغنوات
قبل ماتمشي ...... راجع قلبك
وقت الشدة مين كان جنبك؟؟
مين علشانك ... وعشان حبك
فوتلك ياما ........ هفوااااااات
بعد دا كله ...... تقولي نسيت
واللي مابينا ...... وقت وفات
وانك ليا ............. لو حنيت
بيكون شوق لحبيب كان مات
طب روح انسى ...... واتحداك
فرحة قسمها القلب ...... معاك
أو روح ،،، كات بالروح حمياك
ضهر وساندك .... في الأزمات
بعد دا كله ... تقولي نسيت ؟؟
واللي باقي لنا .... آلام وعذاب
دانا واثقة ........ إنك حنيت
وجاي بــ شوق ... كل الأحباب
جاي بــ شوق .... كل الأحباب
✍️ Zenab Seleem
