خليك راسي 💥بقلم الشاعرة زينب سليم أحمد
💥💥 خليك راسي 💥💥
◇■◇■◇■◇■◇■◇■◇
روحت لطبيبي ... أشكي
م القلب ..... اللي اتوجع
أول م لقاني ...... ببكي
قالي إنت مش جدع ..!!
ليه تبكي ع اللي راح ؟؟
وفات وراه ...... الجراح
خلي بُكاك .......... مباح
ع القلب .... اللي اتخدع
خليك فاهم ...... وعاقل
دقق وانت ...... بتتعامل
لما فــ حقك ..... تتساهل
هاتشوف ، فـــ الدنيا بدع
وكتبلي ....... ع الروشتة
نظرك ......... لو 6 / 6
يوم ماتشوفه .. فــ حتة
تتخض .......... وتتسرع
اللي ........... بلا أسباب
تلقاه فــ الشدة ..... غاب
دا خسارة فيه .. العتاب
لو يوم فرحك .... رجع
قفل ...... جميع بيبانك
ع اللي ... غدرك وخانك
اوعى تحن ، بـــ جنانك
فــ دموعه .... وتتخدع
خليك راسي ...... وتقيل
دا اللي فــ هواه بخيل
بيكون فكره ........ عليل
وأناني ........ مش جدع
جمد قلبك .......... معاه
اوعاك يوم تنسى .. آذاه
لوضاع عمرك ...... وياه
دا ملوهش مرتجع ...!!!
✍️ Zenab Seleem
