خليكم شاهدين 💥 بقلم الشاعرة زينب سليم أحمد
◇□◇□◇□◇□◇□◇□◇□◇
والله ما عارفة ،،،، ابدأ من فين
بس انا هحكي وانتم شاهدين
البيه جوزي ،،،،،،،،،، الله يخليه
مش واخد باله إننا صايمين .!!
من قبل ما يبدأ ،،،، شهر الصوم
بيجهز ليستة ،،،،، اليوم باليوم
ويصحيني من عز النوم ......!!!
يسأل إيه ناقص للتخزين ...؟؟
ويجيب الطلبات ........ بزيادة
ويقول دا طبيعي ودي العادة
واحلفله أن دا ..... شهر عبادة
فيه ناس بتصومه ومش لاقين
في المطبخ واقفة ليل ونهار
بغسل مواعين وبسوي خضار
وأما لقاني ......... تعبت وبنهار
قالي كفاية ريحي ساعتين ..!!
عزومات ،،،،،،،،،،، بمحمر ومشمر
قطمت ضهري ،،،،،،، بقى متدمر
عصلج عقلي ،،،،،، كمان واتسمر
قالي الدكتور ،،، ارتاحلي يومين
ولقيته ،،،،،،،،،،،،،،، شايط ومولع
وبيحلف ،،،،،،،،،،، قال ايه بتدلع
من شغل البيت ،،،، بهرب واخلع
مع أنه يخلصه ،،،، في دقيقتين
وماصدق قلبي ،،،،،،، اني خلاص
راح هااللقط ،، نفسي زي الناس
ولقيته اتوتر ،،،،،،،، بقى محتاس
واناداخلة انام ،، وارتاح ساعتين
طول يومي ،،، نايمة ولا حسيت
المغرب أذن ،،،،،، روحت صحيت
ريحة الدخان كات ماليا البيت
اصل سيادته ،،،، بيسلق بيضتين
وسترها المولى ،،،،،،، معاه وسلم
م الخضة ،،،،،،، لقيته خلاص بلٌم
مع أنه ،،،،،،،،،،،،،،،،،، أول ما أتكلم
قال ستات ناقصين عقل والدين
