قدر مكتوب 💥 بقلم الشاعرة زينب سليم أحمد
◇□◇□◇□◇□◇□◇□◇
الحياة ،،،،،،،،،،، زي الطاحونة
بتلف تملي ،،،،،،،،،،،،،، وبتدور
شيلانا ،،،،،،،،، وشيفانا حمولة
اللي بيجي ،،،،،،،،، عليه الدور
تتخلص منه ،،، وتنساه ..!!!!
وتشوف دور مين جاي وراه
منها خلاصنا ،،،،، بيبقى حياة
ودم اللي بيفضل مهدور ..!!!
دنيتنا ،،،،،،،،،،،،، ولا ليها أمان
سقيانا مرها ،،،،،،،،،،،،،، ألوان
وبتفطمنا ،،،،،،،،،،،، ع الأحزان
اللي آمنها ،،،،،،،،،، بات مغدور
متحدد عمرنا ،،،،،،،،،، بحساب
وقدر متسطر ،،،،،،، في كتاب
حبست أحلامنا ،، فــ سرداب
ومحال حلم ،،،، يشوف النور
بنشوف ،،،، منها كتير ونعاني
وبتقتل ،،،،،،،،،،،،، جوانا آماني
اللي يقول ،،،، دا فهمها ثواني
دا بيحلم ،،،،،،،،، واكيد مغرور
أو يمكن ،،،،،،،،، أعمى وكفيف
ولا ايمانه بقدره ،،،،،،،، ضعيف
بيغمس همه ،،،،،،،،،،،،،، برغيف
وحلمه يشوف ،، الخير مبدور
اللي بيآذي ،،،،،،، ويتعب غيره
وبيتباهى ،،،،،،، بفضله وخيره
معروفة نهايته ،،،،،،، ومصيره
وملوش حجة ،،،،، ولا معذور
لو في الدنيا ،،،،،، ايماننا قوي
عمر ضعيفنا ،،،،، ماياكله قوي
يبقى كلامنا ،،،، طبيعي سوي
مش واقف محشور فــ الزور
